“Барса” “Реал” кутаётган юлдузни илиб кетмоқчи

Испаниянинг икки гранди – “Реал” ва “Барселона”нинг трансфер бозоридаги манфаатлари бир футболчи устида тўқнашди.

“Қироллик клуби” анчадан бери “Ливерпуль” ҳимоячиси Иброҳим Конатени олишни режалаштириб юрибди. Мадридликлар Англия чемпионининг трансфер бозоридаги ҳаракатларини синчковлик билан кузатиб бормоқда.

Флорентино Перес франциялик футболчини имкон бўлса шу ёз бадал пули тўлаб бўлса ҳам трансфер қилмоқчи. Асл мақсад эса, Конатени келаси ёз эркин агент мақомида қўлга киритишдан иборат.

Энди 26 ёшли ҳимоячи учун курашга “Барселона” ҳам қўшилди.  Sempre Barca нашрининг маълум қилишича, каталонияликлар ҳамкорлик масаласида Конате агентларига боғланган. Футболчи бошқа клублар қатори “Барселона” билан ҳам трансфер бўйича музокарага тайёрлигини билдиргани айтилмоқда.