“Барса” хўжайини Флик орзу қилган юлдузни олиб бермади

“Барселона” бош мураббийи Ханс-Дитер Флик ўз жамоасида “Бавария” етакчиларидан Жошуа Киммихни кўришни орзу қилаётган эди.

29 ёшли юлдузнинг мюнхенликлар билан шартномаси якунланиб бормоқда. Томонлар ҳамкорликни узайтирмаслиги айтиляпти.

Ёзда эркин агентга айланадиган Киммихни бепул олиш имконияти бўлса-да, “Барселона” хўжайини Жоан Лапорта бундай фойдаланмайдиган бўлди.

Бунга сабаб қилиб, Киммих катта маош талаб қилиши келтирилмоқда. Айни пайтда Каталония суперклуби иқтисодий барқарорликни таъминлаш мақсадида, қимматбаҳо трансферлар ва катта маош талаб қиладиган ўйинчилар билан ҳамкорлик ўрнатмаслик сиёсатини қўллаяпти.

“Бавария”дан кетишга қарор қилган Киммихга “Реал”, “Манчестер Сити”, “Пари Сен-Жермен” каби қудратли клублар ҳам кўз тикиб турибди.