“Барса”га қарши ўйин олдидан “Реал” катта йўқотишга учради

Испания чемпионатининг 33-турида “Реал” футболчилари “Хетафе” майдонида қийин ғалабага эришди. Арда Гюлернинг ягона голи мадридликларга уч очко келтирди.

Бироқ бу натижа жамоага қимматга тушди.

El Larguero нашрининг маълум қилишича, учрашув якунланиши арафасида шикастланган Эдуардо Камавинга 26 апрелга белгиланган Испания кубоги финалида иштирок эта олмайди. Бўлажак баҳсда мадридликлар ашаддий рақиб – “Барселона” билан куч синашиши керак.

Аслида Камавинганинг ўзи 46-дақиқада биринчи бўлимда  чап оёғида оғиқ ҳис қилган Давид Алабанинг ўрнига майдонга тушган эди.

Лекин учрашув тугашига бир неча дақиқа қолганида рақиб футболчиси Луис Мильининг фолидан кейин Эдуардо ўйинни давом эттира олмаслиги кўрсатди. Бу вазият юз берган пайтда “Реал”да ўйинчи алмаштириш имкони йўқ эди. Шу боис меҳмонлар баҳсни бир киши кам бўлиб якунлашига тўғри келди.