"Барселона" ёзда "Аякс"дан зўр футболчи олади

“Барселона” жамоаси раҳбарияти "Аякс" ҳимоячиси Нуссаир Мазрауига йилига 3,5 миллион евро маошли шартнома таклиф қилмоқда. Бу ҳақда Info Blaugrana хабар тарқатмоқда.

Манбага кўра, "кўк-анорранглилар" Сержиньо Дест ва Серхи Роберто ўрнига айнан 24 ёшли марокашлик футболчини муносиб ўринбосар сифатида кўрмоқда. Айтиш керакки, Мазрауи шу ёз эркин агентга айланади ва Каталония клубига текинга ўтиши мумкин.

Нуссаир Мазрауи жорий мавсум Нидерландия чемпионатида 20 та ўйинда майдонга тушиб, 5 та гол урди ва 2 та голли узатмани амалга оширди.