"Барселона" ёзда бирданига 3 та ҳужумчини таркибга қўшиб олмоқчи

"Барселона" яқинлашиб келаётган ёзги трансферлар даврида бирданига 3 нафар ҳужумчи билан шартнома имзолаши мумкин.

Marca нашрининг хабар беришича, "кўк-анор ранглилар" бу борада "Реал Сосьедад" ҳужумчиси Александр Исак ҳамда тез орада эркин агентга айланадиган Серхио Агуэро ва Мемфис Депай билан музокаралар олиб бормоқда.

21 ёшли Исак жорий мавсум "Реал Сосьедад" сафида 42 та ўйин ўтказди ва ўз ҳисобига 14 та гол ҳамда 2 та голли узатма ёздириб қўйди. Унинг трансфер нархи 30 миллион еврога баҳоланмоқда.

32 ёшли Агуэро бу мавсум “Манчестер Сити” сафида 18 та ўйинда иштирок этди ва 4 та гол урди.

27 ёшли Депай “Лион” сафида бу мавсум 35 та ўйинда майдонга тушди ва ўз ҳисобига 19 та гол ёздириб қўйди.