"Барселона" "Ювентус"нинг 3 нафар етакчисини ўз сафига қўшиб олмоқчи

"Барселона" "Ювентус"нинг уч нафар футболчисини ўз сафига қўшиб олмоқчи. Бу ҳақда "Tuttojuve" хабар тарқатди.

Манбанинг ёзишича, каталонияликлар ҳужумчи Душан Влахович, вингер Федерико Кьеза ва ярим ҳимоячи Мануэль Локателлига қизиқиш билдирмоқда. Туринликларнинг аввалги раҳбарияти футболчиларнинг маоши билан боғлиқ молиявий қаллоблик қилгани учун "Юве"дан 15 очко олиб ташланди.

Клуб кейинги мавсум еврокубокларда иштирок эта олмайди. Шу сабабли, "кекса сеньоралар"нинг етакчи футболчилари жамоасини ўзгартириши кутилмоқда.