"Барселона"га қарши ўйинда қайд этиладиган натижа Мбаппенинг ПСЖдаги келажагини ҳал қилади

"Пари Сен-Жермен" форварди Килиан Мбаппе ҳозирча клуб билан 2022 йилда ниҳоясига етадиган амалдаги шартномасини узайтиришга шошилмаяпти.

AS нашри тарқатган хабарга қараганда, франциялик футбол юлдузи Чемпионлар лигаси 1/8 финалидан ўрин олган "Барселона"га қарши ўйин натижасига қараб, ўз қарорини қабул қилиши мумкин. Агар парижликлар бу қарама-қаршиликда ютқазиб, ЕЧЛ чорак финалига чиқа олмаса, у ҳолда Мбаппе шартномани узайтирмайди ва жамоадан кетишга отланади.

Килианга “Реал”дан бўлаётган қизиқиш ҳамон сўнгани йўқ. Унинг ўзи ҳам “Қироллик клуби”да Зинедин Зидан қўл остида тўп суриб, ЕЧЛда ғолиб чиқишни хоҳламоқда.

Мбаппе жорий мавсум Франция чемпионатида 10 та ўйинда майдонга тушди ва 10 та гол уришга эришди.