"Бавария" аъзолари ёппасига тест топширишди

"Бавария" клуби футболчилари ва раҳбарияти коронавирусга қарши тест топширишди. Бу ҳақда Bild нашри мухбири Хайко Ниддере хабар бермоқда.

Юқоридаги манбага кўра, тест натижалари мюнхенликларнинг ҳеч бирида Covid-19 аниқланмаганини кўрсатган.

“Бавария” 25 турдан сўнг Бундеслига мусобақа жадвалида 55 очко билан пешқадамлик қилмоқда. Чемпионат ўйинлари эса 15 майдан давом эттирилиши мумкинлиги ҳақида хабарлар бор.