“Бавария” гол уришда “Реал” рекордини синдирди

“Бавария” Бундеслиганинг иккинчи турида “Кёльн” футболчиларини 3:2 ҳисобида мағлубиятга учратди.

Бу учрашувда мюнхенликлар кучли бешлик чемпионатларида узлуксиз гол уриш бўйича “Реал”га тегишли бўлган рекорд натижани йўққа чиқарди. “Бавария” кетма-кет 74 та баҳсдан буён рақиб дарвозасини ишғол қилиб келмоқда. Мадридликлар 2016-2017 йилги мавсумларда кетма-кет 73 та ўйинда жами 200 та тўп киритган эди.

 “Бавария” 2020 йилнинг 9 февралидан буён давом этиб келаётган голлар сериясида жами 214 маротаба гол урган.