"Бавария" Каземиро трансферидан воз кечди

"Бавария" қишки трансфер вақтида "Манчестер Юнайтед" ярим ҳимояичиси Каземиро билан шартнома имзоламасликка қарор қилди. Бу ҳақда журналист Флориан Плеттенберг ёзмоқда.

Манбанинг маълум қилишича, мюнхэнликлар 31 ёшли бразилиялик футболчи билан ҳеч қандай музокаралар ўтказмаяпти. Аввалроқ, Каземиро "қизил иблислар"ни тарк этишга тайёрлиги ҳақида хабарлар тарқалганди.

Эслатиб ўтамиз, ҳавбек жорий мавсум 12 та ўйинда майдонга тушиб, 4 та гол урди ва битта голга ассистентлик қилган.