Бельерин "Арсенал"га қайтмоқчи эмас

"Арсенал" ҳимоячиси Эктор Бельерин ёзги трансфер ойнасида жамоасини ўзгартиради, дея хабар бермоқда журналист Маттео Моретто.

Инсайдернинг сўзларига кўра, Эктор ўтган мавсум ижара асосида ўйнаган "Бетис" клубида қолишни хоҳламоқда.

Шунингдек, испаниялик футболчи хизматига Италиянинг “Фиорентина” клуби ҳам жиддий қизиқиш билдирмоқда.

Бельериннинг "Арсенал" билан амалдаги шартномаси 2023 йилгача мўлжалланган. У ўтган 2021/2022 йилги мавсумда “Бетис” сафида 32 та ўйин ўтказиб, 5 та голли узатмани амалга оширган.