Бензема Ди Стефано билан тенглашди. У Рауль ва Роналдуга ета оладими?

Мадриднинг “Реал” клуби ҳужумчиси Карим Бензема Ла Лиганинг 30-турида “Сельта”га (2:1) қарши кечган ўйинда иккита гол урди ва жамоасининг ғалабасини таъминлади.

Бу голлар франциялик форвард учун Ла Лигадаги 215- ва 216-голлари бўлди. Карим бу борада афсонавий Альфредо Ди Стефано билан тенглашиб, “Реал” тарихидаги энг яхши тўпурарлар рейтингида учинчи ўринга кўтарилди.

Бу борадаги мутлақ рекордчи португалиялик ҳужумчи Криштиану Роналду (312 гол) ҳисобланади. Ундан кейин иккинчи ўринни 228 гол урган Рауль эгаллаб турибди.

Эслатиб ўтамиз, Бензема "Реал" сафига 2009 йил "Лион"дан кўчиб ўтган эди.