Бугунги Ўзбекистон - Гана учрашувини ким шарҳлайди?

Бугун ўзбек футболи ихлосмандлари учун катта байрам. Боиси, Ўзбекистон миллий терма жамоаси ўртоқлик учрашувида майдонга тушади.

Гана МТЖга қарши бўлиб ўтиши режалаштирилган ўйин Намангандаги "Марказий" стадионида бўлиб ўтади. Соат 18:00 да старт оладиган баҳсни ким шарҳлайди деган савол аксарият мухлисларни қизиқтирган бўлиши табиий. SPORTS.uz сайти журналисти Жалолиддин Қобилжоновнинг маълум қилишича, тажрибали шарҳловчи Мурод Ризаев бош жамоамиз иштирокидаги ўйинни бевосита стадиондан шарҳлайди.

Ушбу ўйин атрофидаги барча маълумотларни сайтимиз орқали кузатишда давом этинг.