"Челси" мухлислари учун ажойиб хушхабар! Супер трансферга бир қадам қолди (ФОТО)

Лондоннинг "Челси" клуби “Барселона” ярим ҳимоячиси Филиппе Коутиньонинг трансфери бўйича деярли келишувга эришди. Бу ҳақда Daily Mail нашри хабар тарқатмоқда.

Юқоридаги манбага кўра, “аристократлар” устози Фрэнк Лэмпард бразилиялик футболчи жамоа таркибини кучайтира олишига ишонади.

Бундан аввалроқ, “Челси” Коутиньони сотиб олиш ҳуқуқи билан ижарага олмоқчи экани, “Барселона” эса уни сотиб олиш шарти билан ижарага бермоқчилиги ҳақида хабарлар тарқалган эди.

27 ёшли Коутиньо жорий мавсумни “Бавария” сафида ижарада ўтказмоқда. У бу мавсум 32 та ўйинда иштирок этди ва 9 та гол ҳамда 8 та голли узатмага муаллифлик қилишга эришди. Унинг “Барселона” билан амалдаги шартномаси 2023 йилга қадар имзоланган.