"Челси" МЮ футболчисига яна бир таклиф тайёрламоқда

"Челси" Алехандро Гарначонинг трансфери бўйича музокараларни давом эттирмоқда ва жорий трансфер ойнаси якунига қадар келишувни ёпишга умид қилмоқда.

Бу ҳақда журналист Бен Жейкобс маълум қилди. Унинг сўзларига кўра, "Манчестер Юнайтед" аллақачон лондонликларнинг бир нечта таклифларини рад этган, аммо "кўклар" яқин кунларда муросага келинишига ишончи комил.

Аввалроқ, ОАВда аргентиналик вингернинг "Челси" билан шахсий шартномаси шартлари келишиб олингани ҳақида хабарлар тарқалган эди.

Transfermarkt портали Гарначони 45 млн еврога баҳоламоқда. Футболчи 2022 йилдан бери МЮнинг асосий таркибида ўйнамоқда. Британия матбуотига кўра, аргентиналик футболчи бош мураббий Рубен Аморимнинг режаларидан ўрин олмаган, шу сабабли клуб уни сотмоқчи.