Дани Ольмо: "Модрич - марказий ҳудуд қироли"

"Лейпциг" клуби ва Испания терма жамоаси вакили Дани Олмо "Реал" клуби ва Хорватия терма жамоаси ярим ҳимоячиси Лука Модрични мақтади.

"Модрич умуман бошқа савиядаги футболчи. У намуна қилиб кўрсатадиган ўйинчилардан бири. Марказда ўйнаганимда доим ундан ўрнак оламан. Ярим ҳимоя чизиғида у энг барқарор футболчи.

Менга унинг ўйинларини томоша қилиш, таҳлил қилиш, тўпни бошқариши, умуман олганда, ўйинни бошқариши шунчаки завқ бағишлайди. Хорватия терма жамоаси ҳам жуда ёқади. Лука - марказий ҳудуд қироли", - деди футболчи.

Эслатиб ўтамиз, 24 ёшли испаниялик "ЖЧ-2022"да битта голни ўз номига ёздириб қўйди.