Даврон Файзиев: "Зўр ўйнадинг - зўр ишлаб топдинг

Бир неча кун олдин Криштиану Роналду АПЛ доирасида "Норвич"га қарши учрашувда хет-трик қайд этди. Шу тариқа, португалиялик МЮ сафида бу мавсум голлари сонини 20 тага етказиб қўйди. 

Таниқли журналист Даврон Файзиев Роналдунинг хет-триги ва у бундан қанча фойда олгани борасида гапирди. 

"Қиммат хет-трик. Криштиану Роналдунинг "Манчестер Юнайтед" билан шартномасида мавсумда 20 дан ортиқ гол урса, 905 000 евро миқдорида бонус олиши белгиланган. "Норвич" билан ўйиндан кейин голлари 21 га етди. Шунингдек, хет-трик учун 120 000 евро бонус берилади. Демак, биргина учрашувда Роналду миллиондан кўп пул топган.

Бундан ташқари, голлари 20 дан ошгач, ҳар битта гол учун 120 000 евро олади. Адолатли шартнома, зўр ўйнадинг - зўр ишлаб топдинг", - дея Файзиев ўз телеграм саҳифасида пост қолдирди.