Де Йонг учун катта пул тўлайдиган клуб топилди

"Барселона" ярим ҳимоячиси Френки де Йонг Саудия Арабистонида фаолиятини давом эттириши мумкин. Бу ҳақда "El Nacional" хабар бермоқда.

Манбага кўра, футболчини "Ал-Иттиҳод" клуби сотиб олишни хоҳлайди. Саудия клуби раҳбарияти футболчига 50 миллион евро таклиф қилишга тайёр. Каталонияликлар эса, ўз навбатида, футболчини сотишга қарор қилишган.

Де Йонгнинг "Transfermarkt"даги қиймати 45 миллион еврога баҳоланмоқда. Унинг каталония клуби билан амалдаги шартнома 2026 йилнинг ёзида якунланади.

Ушбу мавсумда ярим ҳимоячи 16 та учрашув ўтказиб, 1 та гол урди ва 1 та голга ассистентлик қилди.