Де Йонгнинг жароҳатдан тузалиш санаси маълум бўлди

Каталониянинг "Барселона" жамоасида тўп тепаётган нидерландиялик ярим ҳимоячи Френки де Йонг жароҳати туфайли Испания чемпионатининг навбатдаги турида "Валенсия"га қарши майдонга тушмаслиги маълум бўлди. Бу ҳақда инсайдер Алекс Пинтанел хабар берди.

Манбанинг таъкидлашича, футболчи УЕФА Чемпионлар Лигаси гуруҳ босқичининг биринчи турида Англиянинг "Ньюкасл" жамоасига қарши ўйинда "кўк-анорранглилар"га ёрдам беришга тайёр бўлади. Учрашув 18 сентябрь куни бўлиб ўтади.

Эслатиб ўтамиз, де Йонг Нидерландия миллий терма жамоаси сафида бўлганида жароҳат олган эди. Френки жорий мавсумда Испания чемпионатининг икки ўйинида иштирок этди, аммо ҳеч қандай самарали ҳаракат кўрсата олмади.