Фақат Ҳусанов эмас! Аббосга ҳам Европанинг гранд жамоасидан таклиф бўлди

Таркиби асосан ёшлардан ташкил топган Франциянинг "Монако" клуби ЦСКА ва Ўзбекистон Миллий терма жамоаси вингери Аббосбек Файзуллаевни ўз сафига қўшиб олиш ниятида. РБ Спорт нашри берган хабарга кўра, француз клуби ёзги трансферлар ойнасида ҳамюртимиз учун 15 миллион евро сарфлашга тайёр.

Таъкидлаш керак, "армиячилар" ёш футболчимизни энг камида мавсум сўнггига қадар таркибда олиб қолиш ниятида. Аббосбек жорий мавсум Москва клуби таркибида жами 22 беллашувда майдонга тушиб, 3 та гол ва 6 та ассистни ўз номига расмийлаштирган.