Флик ўзи яхши кўрган футболчи билан ажралишга мажбур бўляпти

Испаниянинг амалдаги чемпиони “Барселона” клубда юзага келган молиявий аҳволдан келиб чиқиб, ёзда ўйинчи сотишга мажбур бўлмоқда.  

Клубни тарк этиши мумкин бўлган ўйинчилар рўйхатига 22 ёшли ҳужумкор футболчи Фермин Лопес ҳам қўшилди.

Sport нашрининг ёзишича, каталонияликлар яхши таклиф бўлган тақдирдагина Лопеснинг кетишига рухсат беради.

Жамоа бош мураббийи Ханс-Дитер Флик бу ярим ҳимоячини таркибдаги муҳим ўйинчилардан бири сифатида тан олган. Бироқ клуб мутасаддилари мураббийлар штабини молиявий вазият айрим ўйинчиларни сотиб юборишга мажбур қилаётганидан огоҳлантирди.

Сўнгги маълумотларга қараганда, Фермин Лопеснинг хизматига “Атлетико Мадрид”, “Ливерпуль” ва “Бавария” жиддий қизиқиш билдирмоқда.