Флик Симеоненинг вазияти ҳақида: “Ҳақорат ёқимсиз, лекин ҳар кимнинг характери турлича”

"Атлетико" бош мураббийи Диего Симеоне "Ливерпуль"га қарши баҳсда (2:3) мухлислар билан жанжал туфайли майдондан четлатилганди. Унинг айтишича, бутун ўйин давомида ҳақоратларга чидаш қийин бўлган. Мазкур вазиятга эса "Барселона" бош мураббийи Ханс-Дитер Флик ўз муносабатини билдирди.

"Мен унинг нимани ҳис қилганини билмайман. Илгари шунга ўхшаш ҳолатларга дуч келганман, аммо менинг диққатим ҳар доим майдондаги вазиятда бўлади.

Ҳақорат эшитиш йоқимсиз, лекин ҳар бир инсоннинг характери турлича. Шунинг учун унинг реакциясини таҳлил қилишни истамайман, чунки аниқ унинг ҳолатини билмайман", – деди каталонияликлар бош мураббийи Ханс-Дитер Флик.