Гвардиола фаолиятидаги энг ёмон натижани қайд этди

"Манчестер Сити" АПЛ 9-туридан ўрин олган беллашувда "Тотенхэм"га ютқазди.

"Шаҳарликлар" Премьер-лигада 8 ўйин ўтказган ҳолда, 12 очко жамғарди. Бу натижа манчестерликлар бош мураббийи Пеп Гвардиола фаолиятидаги энг ёмон натижа ҳисобланади. Таққослаш учун, Гвардиола шогирдлари ўтган мавсум шунча ўйинда 16 очко тўплашга муваффақ бўлган эди.

"Сити" ушбу ўйинлардан 3 тасида ғалаба қозонган. Шунча ўйинда дуранг қайд этилган бўлса, 2 беллашувда имконият бой берилган.