Гвардиола: Ҳозир шу ишни қилсам, ўзимни кечира олмайман!

“Манчестер Сити” бош мураббийи Хосеп Гвардиола жамоасининг муваффақиятсизлик тўридан чиқа олмаётганига қарамай, клубдан кетиш нияти йўқлигини очиқ айтди.

- Агар “Манчестер Сити”ни ҳозирги ҳолатда ташлаб кетадиган бўлсам, кейин ўзимни кечира олмайман!

Бу вазиятда кетишимни ўйласам, уйқум қочиб кетяпти. Бунинг имкони йўқ. Агар шундай ўйнашда давом этсак, мени бўшатиб юборишлари ҳеч гап эмас.

Ўзим эса, ихтиёрим билан кетмайман. Бундай қилишимнинг иложи йўқ, - деди испаниялик мутахассис.

Хосеп Гвардиола “шаҳарликлар”га 2016 йилдан бери устозлик қилади. Клубнинг энг муваффақиятли даври айнан испан мутахассиси ишлаган даврга тўғри келади. Бироқ жорий мавсумда “Манчестер Сити” жароҳатларнинг кўплиги туфайли ўз даражасини намойиш қила олмаяпти.