Here we go! Мотта "Ювентус" бош мураббийи

Расман "Болонья" Тьяго Мотта билан шартномани янгиламаслигини эълон қилди. Битим шу ёзда тугайи ва у "Ювентус"га йўл олади. 

Инсайдер Фабрицио Романо хабар беришича, туринликлар билан мураббий келишувга эришди. Италиялик мутахассис 4 йиллик битимга имзо чекади. 

Мотта 2022 йилда "Болонья"ни қабул қилиб олганди. Унинг шогирдлари А Серияда мавсумни 3-ўрин билан якунлашга яқин турибди. Шу билан бирга, жамоа Чемпионлар лигасига ҳам йўлланмани қўлга киритади. 

Маълумот учун, Тьяго фаолияти давомида "Специя" ва "Женоа" клубларида ҳам ишлаган.