Ҳожимат Эркинов: "Чемпионлар Лигасида мухлисларимизни қувонтирадиган ўйин кўрсатишга ҳаракат қиламиз"

Кўплаб таклифларни четга суриб, тақдирини "Пахтакор" билан боғлаган Эркинов клуб матбуот хизматига интервью берди.

Ҳожимат қадрдон клубига қайтиши хусусида шундай фикр билдирди:

- Мени тарбиялаган қадрдон жамоам "Пахтакор"га қайтганимдан хурсандман. Суперлиганинг иккинчи даврасида чемпионлик анъанасини давом эттиришда ёрдам беришни хоҳлайман. Чемпионлар Лигасида ҳам мухлисларимизни қувонтирадиган ўйин кўрсатишга ҳаракат қиламиз.

Бор кучим билан клубимга ёрдам беришга интиламан. Ишқибозларни мавсумнинг иккинчи қисмида чиройли футбол билан қувонтирамиз деган умиддаман".