Ибрагимов: "Ҳали чемпионлик курашидан чиқиб кетганимиз йўқ, охиригача ҳаракат қиламиз"

"Пахтакор" 19-турда "Сўғдиёна"ни ўз майдонида қабул қилиб, 2:0 ҳисобида ғалаба қозонди. Учрашувнинг 14-дақиқасида Иброҳим Ибрагимов пенальтидан гол уриб, ҳисобни очди. Баҳсдан кейин ярим ҳимоячи журналистларнинг саволларига жавоб берди. 

Ўйинга яхши тайёргарлик кўргандик, "Сўғдиёна"ни яхши ўрганиб чиққан эдик. Мухлисларга катта раҳмат, уларнинг қўллаб-қуввталганини ҳис қилиб ўйнадик. 

Гол нишонлашинингз ҳақида гапириб ўтсангиз.

Бу сир бўла қолсин. 

"Пахтакор"да легионер футболчилар кўп, лекин пенальтини сиз амалга оширдингиз, бунга қандай эришдингиз?

Ҳаммасини мураббийимиз ҳал қилади. Пенальти тепиш вазифасини менга топширишганди. 

"Пахтакор" ўртамеёна жамоаларга қарши ҳотиржам ўйнаяпти, лекин катта клублар билан қийналмоқда. Бунга қандай муносабат билдирасиз?

Ҳаракат қилдик, насиб қилмади. Ҳали чемпионлик курашидан чиқиб кетганимиз йўқ, охиригача ҳаракат қиламиз. 

Бугун жамоаингиз ғалабасига энг катта сабаб нима деб ўйлайсиз?

Энг катта сабаб бу яхши тайёргарлик кўриб чиққанимизда.

Ушбу ғалабадан кейин "Пахтакор" турнир жадвалида 5-ўринга кўтарилиб олди. "Шерлар"ни кейинги турда "Андижон"га қарши учрашув кутиб турибди.