"Интер" футболчисини Россияда олиб қолишди

Москванинг "Локомотив" клуби "Интер" ярим ҳимоячиси Жоау Мариунинг ижара шартномасини узайтирди. Бу ҳақда Passioneinter нашри хабар тарқатмоқда.

Юқоридаги манбага кўра, томонлар ўртасидаги янги келишув жорий мавсум якунигача амал қилади.

27 ёшли Мариу бу мавсум “Локомотив” сафида 15 та ўйинда майдонга тушди ва 4 та голга ассистентлик қилишга эришди. Унинг “Интер” билан амалдаги шартномаси эса 2022 йилга қадар имзоланган.