"Интер" Янгни ўзида сақлаб қолмоқчи

"Интер" клуби раҳбарияти жамоа ҳимоячиси Эшли Янг билан амалдаги шартномани узайтирмоқчи.

La Gazzetta dello Sport нашри тарқатган хабарга кўра, "нерадзуррилар" 34 ёшли англиялик футболчига бир йиллик шартнома таклиф қилишмоқчи. Томонлар ўртасидаги музокаралар якуний босқичга чиққан.

Эслатиб ўтамиз, “Интер” Янгни январь ойида ўз сафига қўшиб олган эди. У ҳозирча 7 та ўйинда майдонга тушди ва ўз ҳисобига 1 та гол ҳамда 1 та голли узатма ёздириб қўйишга эришди.