"ITF" Симона Халепни жаҳон чемпиони дея эътироф этди

Франция пойтахти Париж шаҳрида Халқаро теннис федерацияси томонидан галдаги жаҳон чемпионларини тақдирлаш маросими бўлиб ўтди.

"ITF"нинг аёллар ўртасида бу йилги жаҳон чемпиони дея руминиялик Симона Халеп эътироф этилди, эркаклар ўртасида эса мазкур номга сербиялик Новак Жокович сазовор бўлди.

Жуфтликлар ўртасида чехиялик Барбора Крейчикова ва Катержина Синякова, америкалик Жек Сок ва Майк Брайанлар жаҳон чемпиони деб топилди.