Жаҳон чемпионимиз профессионал боксдаги иккинчи жангини ўтказади!

Супер енгил вазн тоифасида фаолият олиб бораётган ўзбекистонлик профессионал боксчи Руслан Абдуллаевнинг кейинги жанги бўйича маълумотлар пайдо бўлди.

Унга кўра, 22 ёшли Руслан 19 апрель куни рингга қайтади. Ҳамюртимиз АҚШ ёки Мексикадаги профессионал бокс оқшомларининг бирида иштирок этади. Абдуллаевга ўша куни ким рақиб бўлиши шу кунларда маълум қилинади.

Бу Руслан Абдуллаев учун проф боксдаги иккинчи жангга айланади. Чарм қўлқоп устамиз илк жангини шу йилнинг март ойида Хосе Валенсуэла Альварадога қарши ўтказиб, нокаут эвазига ғалаба қозонганди. Абдуллаев ҳаваскор боксда жаҳон чемпиони (2023) ҳисобланади.

Бу ҳақда Ўзбекистон профессионал бокс федерацияси хабар бермоқда.