Жавоҳир Умматалиев рақибни қийнаб ташлади!

Хабарингиз бор, Англиянинг Ливерпуль шаҳри мезбонлик қилаётган бокс бўйича катталар ўртасида жаҳон чемпионати ўзининг қизғин палласига кириб келди. Бугун мусобақа доирасида 7 нафар боксчимиз иштирок этиши белгиланган.

-80 кг да ҳамюртимиз Жавоҳир Умматалиев ҳамда хорватиялик Габриэль Веочич жанги якунланди. Вакилимиз 1-раундда рақибни нокдаун ҳолатига тушириб, якунда ҳакамларнинг якдил қарорига кўра ғалаба қозонди ва финал йўлланмасини қўлга киритди.

Эслатиб ўтамиз, бизни олдинда яна бир юртдошимиз Феруза Казакова ва Бусе Наз Чакыроглу (Туркия) тўқнашуви кутмоқда.