“ЖЧ-2022”: Ҳозиргача гуруҳдан чиққан ва чемпионатни тарк этган барча жамоалар

Қатарда давом этаётган жаҳон чемпионатида гуруҳ босқичидан муваффақиятли ўтиб, бош соврин учун курашни давом эттириш имконига эга терма жамоалар сафи кенгайиб бормоқда.

Гуруҳлардаги иккинчи тур учрашувларидан кейин бирданига уч терма жамоа – амалдаги жаҳон чемпиони бўлган Франция, мундиал тарихида энг кўп чемпионликни қўлга киритган Бразилия ва ҳали бу номга сазовор бўлмаган Португалия плей-офф йўлланмасини муддатидан олдин қўлга киритган эди.

Энди бу уч терма жамоа қаторига ўз гуруҳларидаги учинчи тур ўйинларида ижобий натижа қайд этган Нидерландия, Сенегал, АҚШ ва Англия терма жамоалари ҳам қўшилди.

Мусобақа мезбони Қатарга қўшилиб, Канада, Эквадор, Эрон ва Уэльс жаҳон чемпионатидан чиқиб кетди.