Карлуш Кейруш: Чилига қарши ўйинда Колумбиянинг йўқотадиган ҳеч нарсаси йўқ

Колумбия терма жамоаси бош мураббийи Карлуш Кейруш Америка кубоги чорак финалидан ўрин олган Чилига қарши баҳс борасида ўз фикрини билдириб ўтди.

“Чилиликлар – амалдаги чемпионлар. Бизда йўқотадиган ҳеч нарса йўқ, аммо биз керакли натижани қайд этиш учун яхши имкониятга эгамиз. Футболчиларимда кучли характер борлигини биламан. Улар бор эътиборларини қаратишган ва бу ўйинда осон ғалаба бўлмаслигини билишади. Биз бир нарсани тушунишимиз керак, ҳозир барчасини қўлга киритамиз ёки ҳеч нарсани. Ушбу баҳсга ҳеч қандай жиддий йўқотишларсиз келганимиздан хурсандман”, - дейди португалиялик мутахассис.

Эслатиб ўтамиз, Колумбия – Чили учрашуви 29 июнь куни Тошкент вақти билан соат 04:00да бошланади.