Каземиро Роналду МЮда қолишига умид қилмоқда

"Манчестер Юнайтед" сафига яқинда қўшилган ярим ҳимоячиси Каземиро Криштиану Роналду жамоани тарк этмаслигига умид қилишини айтди.

“Гап барча даврларнинг энг яхши футболчиларидан бири ҳақида кетмоқда. Уни жуда ҳурмат қиламан ва буни Кришнинг ўзи ҳам билади. Умид қиламанки, Роналду биз билан қолади, чунки у ажойиб футболчи. У кўп гол уради, ғалаба қозониш менталитетига эга ва ҳақиқий жамоа етакчиси. Унинг таркибда бўлиши биз учун жуда муҳим.

Биз кўп мулоқот қилдик. Чунки менда тил билан муаммо бор эди. Бу ерга келганимнинг биринчи куниданоқ Криштиану менга жуда кўп ёрдам берди. Умид қиламанки, Криштиану қолади”, - деди Каземиро.