"Кичик Тайсон" навбатдаги ғалабасини қўлга киритди

Хабар берганимиздек, бугун "Кичик Тайсон" дея эътироф этилувчи ҳамюртимиз Олимжон Назаров навбатдаги жангини Вьетнамнинг Вунг Тау шаҳрида "Cocky Buffalo" компанияси томонидан ташкил этиладиган бокс оқшомида ўтказди.  Ўта енгил вазн тоифасида (50,8 кг) фаолият олиб борадиган Олимжон Назаров (28-5, 15КО) WBО Oriental камарини филиппинлик Бенведино Лигасдан (14-2-2, 9КО) ҳимоя қилди.

Жанг тўлиқ давом этди ва баҳсда устунлик қилган Назаров очколарга кўра ғалаба қозонди. 

Мазкур муваффақият билан боксчимиз ҳамда мураббийларини муборакбод этамиз!