Клопп "Ливерпуль"нинг ЕЧЛ йўлланмасини қўлга киритишига ишонадими?

"Ливерпуль" клуби бош мураббийи Юрген Клопп жамоаси бу мавсум кучли тўртликка кира оладими, деган саволга жавоб берди.

Мерсисайдликлар айни дамда АПЛ мусобақа жадвалида 7-ўринда бормоқда. Уларни 4-ўриндаги “Челси” билан орадаги фарқи 7 очкони ташкил этади.

“Бизда ҳали ҳам имконият борлигига ишончим комил эмас, лекин биз ҳаракат қиламиз ва агар шундай имконият юзага келса, биз албатта бундан фойдаланамиз.

Биз ҳозиргидан юқорироқ поғонада бўлишимиз ҳам мумкин эди, аммо жароҳатлар билан бўлган кураш бизга катта муаммо туғдирди”, - деди германиялик мутахассис.

Премьер-лигада мавсум якунланишига яна 4 та тур қолди.