Коутиньо "Манчестер Юнайтед"га ўтмоқчилигини айтди

"Барселона" клуби ярим ҳимоячиси Филипе Коутиньо "Манчестер Юнайтед"га ўтиш истагини билдирмоқда. Бу ҳақда Daily Star нашри хабар бермоқда.

Қайд этиш лозимки 26 ёшли бразилиялик футболчи каталонияликлар сафига 2018 йилнинг январида айнан АПЛ клубидан кўчиб ўтган эди. Бироқ, у ўтган давр мобайнида жамоага мослашиб кета олмади ва шу боис аксарият ўйинларда асосий таркибда майдонга тушмаяпти.

Маълумот учун, Коутиньо жорий мавсум “Барселона” сафида жами 39та ўйинда иштирок этди ва ўз ҳисобига 8та гол ҳамда 5та голли узатма ёздириб қўйишга эришди.