Кварацхелия учун икки гранд клуб курашмоқда

"Манчестер Юнайтед" ва ПСЖ Хвича Кварацхелия учун курашади. 

"L’Equipe" нашрининг хабарига кўра, "Манчестер Юнайтед" "Наполи" билан грузиялик вингернинг трансфери юзасидан боғланди. Клублар Хвичани Маркус Рашфордга алмаштириши ҳам мумкин. Шу билан бирга, "Наполи" ва ПСЖ ўртасидаги алоқалар давом этмоқда ва улар Кварацхелия бўйича музокараларда олдинга силжишга имкон берадиган ечим топишга ҳаракат қилмоқдалар.

Таъкидланишича, неаполликлар раҳбарияти вингерни сотиш имкониятини рад этмаяпти.

Маълумот учун, Хвичанинг "Наполи" билан амалдаги шартномаси 2027 йилнинг ёзида тугайди. Жорий мавсумда футболчи А Сериянинг 17 та ўйинида 5 та гол ва 3 та голли узатмани амалга оширди.