Ла Лига клуби 8 ойдан буён жамоасиз юрган ПСЖнинг собиқ футболчисини ўз сафига қўшиб олди
Эркин агент ҳисобланган франциялик ярим ҳимоячи Хатем Бен Арфа фаолиятини Испанияда давом эттирадиган бўлди.
Клуб расмий сайти тарқатган хабарга кўра “Вальядолид” 32 ёшли футболчи билан мавсум охиригача шартнома имзолаган.
Эслатиб ўтамиз, Бен Арфа 8 ойдан буён ўйин амалиётига эга бўлмай келаётган эди. У 2019 йилнинг июнида “Ренн”дан кетган эди.
Маълумот учун, “Вальядолид” айни дамда Ла Лига мусобақа жадвалида 16-ўринда бормоқда.
Comments