Лапорта АҚШдаги "Вильярреал" билан ўйин ҳақида гапирди

"Барселона" президенти Жоан Лапорта жамоанинг АҚШда "Вильярреал"га қарши расмий ўйин ўтказиши ҳақида фикр билдирди.

"Биз АҚШдаги мухлисларимиз билан яна учрашишни сабрсизлик билан кутяпмиз ва бу имкониятни бергани учун Ла Лигага миннатдорчилик билдирамиз.

Биз бу мамлакатга кўп йиллардан бери ташриф буюриб келамиз ва "Барселона" қандай муҳаббат уйғотишини ҳар сафар ҳис қиламиз. Жаҳон даражасидаги клуб сифатида бу орқали халқаро мухлисларимиз билан боғланишни янада мустаҳкамлаймиз, айниқса АҚШ каби муҳим бозорда.

Майамидаги расмий ўйин — бу ерда “Барселона” жамоаси катта жамоатчиликка эга — юқори даражада ўйнайдиган икки жамоа иштирокидаги ажойиб томошага айланади", — деди клуб президенти Жоан Лапорта.