"Леванте" сардори Винисиус Жуниорнинг ҳаракатларини танқид қилди

Ла Лиганинг 6-турида "Реал" "Леванте"ни 4:1 ҳисобида мағлуб этди. Учрашувда Килиан Мбаппе пенальтидан учинчи голни урганида, мадридликлар вингери Винисиус Жуниор рақиб ҳимоячиси Унаи Эльхесабалнинг юзига қўли билан тегди. Ҳимоячи бу ҳолатни ҳакамга кўрсатди, аммо у ҳеч қандай чора кўрмади.

"Мен можарони кучайтирмоқчи эмасман. Биз инсонмиз ва бизга нисбатан ҳурматсизлик бўлса, бўлди дейишимиз керак.

У катта салоҳиятга эга ўйинчи, лекин баъзи вазиятлар борки, мен уларни қабул қила олмайман. У баъзида шундай қийматларни кўрсатадики, бўлди дейишга тўғри келади. Мен жамоадошларимни ҳимоя қиламан ва айрим вазиятларни эътиборсиз қолдира олмайман", – деди Эльхесабаль ўйиндан сўнг.