"Ливерпуль", "Интер" ва "Бавария" клубларининг собиқ футболчиси МЛС клубига ўтишга яқин

"Лион" ярим ҳимоячиси Жердан Шакири фаолиятини океан ортида давом эттириши мумкин.

MLS Soccer нашри мухбири Том Богертнинг маълум қилишича, швейцариялик футболчининг хизматларига АҚШнинг "Чикаго Файр" клуби жиддий қизиқиб қолган. Томонлар музокараларнинг якуний босқичида ва шартнома имзоланиш арафасида.

Шакири фаолияти давомида "Лион"дан ташқари "Базель", "Бавария", "Интер", "Сток Сити" ва "Ливерпуль" клубларида ўйнаган. У жорий мавсум 16  та ўйинда майдонга тушди ва 2 та гол ва 3 та голли узатмага муаллифлик қилди.