“Ливерпуль” 100 миллион евролик трансферга қўл урмоқда

“Ливерпуль” мутасаддилари жамоа таркибини кучайтириш учун катта трансферни амалга оширишни режалаштирмоқда.

Ливерпулликлар келаси мавсум олдидан “Боруссия” ярим ҳимоячиси Жуд Беллингемни қўлга киритмоқчи. Бу ўйинчига гранд клублардан таклиф кўп. Рақобатчиларни ортда қолдириш учун Юрген Клопп жамоаси 100 миллион евро таклиф қиляпти.

Яқинда ўз ўйинчисига талаб ортиб бораётганини инобатга олган дортмундликлар 18 ёшли ўйинчини 120 миллион еврога баҳолаган эди.

Беллингем ўтган мавсумда 43 маротаба майдонга тушиб, олтита гол ва ўн учта ассист муаллифи бўлди.