"Ливерпуль" ҳимоясида даҳшатли дуэт пайдо бўлиши мумкин

Ҳимоя чизиғида Виржил ван Дейкка тандем бўла оладиган муносиб футболчи қидираётган "Ливерпуль" бу борада А Сериядан футболчи топди.

Tuttomercatoweb нашрининг маълум қилишича, мерсисайдликларнинг бу борадаги эътибори "Наполи" ҳимоячиси Калиду Кулибалига тушган. Ўз навбатида неаполликлар ҳам ЕЧЛ йўлланмасидан маҳрум бўлишгани ортидан юзага келадиган зарарни қисман қоплаш учун ҳам сенегаллик футболчини сотишга тайёр. Унга эса АПЛнинг бошқа бир гранди - "Манчестер Юнайтед" ҳам қизиқиш билдирмоқда.

Кулибали жорий мавсум “Наполи” сафида 21 та ўйинда майдонга тушди. Унинг трансфери эса 56 млн еврога баҳоланмоқда.