"Манчестер Сити" Ляпорт бўйича таклифларни кутмоқда

"Манчестер Сити" ёзги трансфер ойнасида марказий ҳимоячиси Эмерик Ляпортни сотишга тайёр. Журналист Фабрицио Романонинг ёзишича, “шаҳарликлар” Испания терма жамоаси футболчиси бўйича таклифларни кутишмоқда.

Манбанинг қўшимча қилишича, Ляпорт бу ҳафта келажаги ҳақидаги вазиятга ойдинлик киритиш учун агентлари билан гаплашади.

Аввалроқ 29 ёшли ҳимоячига Туриннинг “Ювентус” клуби қизиқиш билдираётган эди, бироқ “кекса сенёра” билан музокаралар сўнгги пайтларда тўхтаб қолди. Шунингдек, футболчига Билбаонинг "Атлетик", "Ан-Наср" ва "Кристал Пэлас" клублари қизиқиш билдиришган.