"Манчестер Сити"ни ким тўхтата олади?! "Шаҳарликлар" бу мавсумда ҳали мағлуб бўлмади

Англиянинг "Манчестер Сити" клуби жорий мавсумда ҳали битта ҳам мағлубият аламини тотиб кўрмади.

Кеча Хосеп Гвардиола шогирдлари Чемпионлар лигаси умумий босқичи 3-тур учрашувида Праганинг "Спарта" жамоасини ўта йирик кўринишда мағлуб этишди(5:0).

Мавсум бошидан буён "Манчестер Сити" барча мусобақаларда ўтказган 13 та ўйиннинг бирортасида ҳам мағлубиятга учрамаган. Жамоа шу вақт мобайнида 9 та ғалаба ва 4 та дуранг қайд этган. 

"Шаҳарликлар" энди навбатдаги учрашувини "Саутгемптон"га қарши АПЛ доирасида ўтказади. Мазкур баҳс эса, 26 октябрь куни бўлиб ўтади.