“Манчестер Юнайтед” мана шу икки ўйинчига таянади

“Манчестер Юнайтед”нинг собиқ футболчиси Рио Фердинанд ҳозирги бош мураббий Эрик тен Хаг жамоасига катта ёрдам бераётган икки нафар футболчи борлигини таъкидлади.

- Лисандро Мартинес бу мавсум ажойиб ўйин кўрсатмоқда. Рафаэль Вараннинг жисмоний қуввати, тезлиги ва тажрибаси жамоада уни алиштириб бўлмас ўйинчига айлантирди.

Франциялик ҳимоячининг жароҳати жамоага сезиларли йўқотиш бўлади. Эрик тен Хагга бу икки футболчи жуда зарур.

Агар бу иккиси бирга ўйнаса “Манчестер Юнайтед” умуман бошқа жамоага айланади, - деди Рио Фердинанд.