“Манчестер Юнайтед” суперҳужумчи билан музокара бошлади

“Манчестер Юнайтед” раҳбарияти жамоани тарк этиши кутилаётган Криштиану Роналду ўрнига бошқа ҳужумчи олишга қарор қилган.

Клуб мутасаддилари “Интер”нинг аргентиналик форварди Лаутаро Мартинесни олиб келмоқчи. Манчестерликлар бу ўйинчига анчадан бери қизиқиб келади.

La Gazzetta dello Sport нашрининг хабар беришича, “Манчестер Юнайтед” мутасаддилари Мартинеснинг агентлари билан алоқа ўрнатиб, унинг трансферини муҳокама қилишга киришди.

Мартинеснинг “Интер” билан келишуви 2026 йилнинг ярмигача давом этади. Жорий мавсумда у 21 та учрашувда қатнашиб, саккизта гол ва олтита ассист муаллифи бўлди.