"Манчетер Сити" юлдузини А Сериянинг 3 та гранд клуби кузатмоқда

"Манчестер Сити" ярим ҳимоячиси Бернарду Силва кейинги ёзда клубни эркин агент сифатида тарк этиши мумкин

Журналист Экрем Конурнинг хабар беришича, вазиятни Италиянинг "Наполи", "Ювентус" ва "Милан" клублари синчковлик билан кузатмоқда. А Серия вакиллари учун муаммо ўйинчининг маоши бўлиши мумкин: ҳозирда у ҳафтасига қарийб 350 минг евро олмоқда. Италияга ўтиш учун маошининг сезиларли даражада камайишига рози бўлиши керак бўлади.

Бернарду Силва 2017 йилдан бери "Манчестер Сити" шарафини ҳимоя қилиб келмоқда. Август ойида "шаҳарликлар" сардори 31 ёшни қаршилади. Португалиялик футболчининг "Сити" билан шартномаси 2026 йил ўрталарида якунланади - томонлар шартномани узайтирмаслик эҳтимоли юқори.